Tapi samantang pun baitu, kok ditimbangma ana kato disilau ma-ana kaji. Nan gayuang wajib basambuik, kato wajib bajawab. Disiko biang cabiek gantiang putui, indak baulang kilim batikam jajak. Diulang kilin kok putui ditikam jajak kok sipi iyo dek panyakik nan ba-asa hujan nan bapuhun. Pulangkan lah kato kapangkanyo mairiang kami di balakang
"MANGUMBALIKAN KATO"
Ma a Sutan... Ambo antaro jo Sutan cako, paneknan manjadi parantian pantang manjadi pamalaman. Iyo dek mancari buiek sagolek picak salayang, tantang digayuang nan kamanyambuik kato kamanjawab tatumpa juo bake ambo. Tapi samantang pun baitu, kok tak sabanyak kato tajawab, nak bapituah Sutan tantang iko.
"BALEHNYO"
Nan jadi buah bana dek Datuok..... kok tak sabanyak gayuang tasambuik, kok tak sabanyak kato tajawab, kan baitu bana ...?
Dek kami nan manjadi rusuah dengan gamang, gayuang kok tak lai basambuik kato kok tak bajawab. Kini gayuang lai kabasambuik, kato lai kabajawab, lakek bak pituah urang tuo :
Babondong ikan di dalam tabek
ditembak sambie baranang
maniwuk angin dari Cundano
indak kadietong panjang jo singkek
bukan kadisabuik kalah jo manang
tapi, bak sirieh jo curano.
"JAWABNYO"
Dek ambo nan manjadi rusuah dengan gamang, kok kaba uji samo merah, kok kabatimbang samo barek. Ba-a nan sakarang kini nangki lai indak kabauji samo merah lai indak kabatimbang samo barek. Lah (.....) jawabnyo sajo ambo adokan. (Hal ini biasanya dijawab oleh lawan bicara anda "J A D I". Lalu jawab apa adanya)
RAIYO UNTUAK MINTAK PULANG
Sungguahpun Datuok surang nan disambah, batin dek adat nan kailie
